KEMBANG PLASTIK

(Maura Fabinka Ratnamurti)

 

Pasuryanmu warna-warni,

gawe rasa kesengsem sajroning ati,

senadayan wewujudanmu mung saka sedhotan plastik,

kang binuwang dening bocah-bocah sing bubar jajan,

teles tur pingget kageget untu,

isih cetho tumilas ing pucukmu.

 

Warna-warni kang endah serasi,

jroning panyawangku...

nambah rasa sengsem ing kalbu,

senadyan mung sedhotan plastik,

tilas lambe-lambe lan gegetan untu,

nanging bisa gawe sengseme atiku,

 

Kembang Plastik...

tanpa aji, nangin bisa gawe simpatik.